سام سنگ نے گوگل سے پہلے 38 نئی اینڈرائیڈ سیکیورٹی اپ ڈیٹس کی تصدیق کر دی

ٹیکنالوجی کی دنیا کی معروف کمپنی گوگل (Google) نے اگست 2026 کی ماہانہ اینڈرائیڈ سیکیورٹی اپ ڈیٹ جاری کر دی ہے۔ تاہم، اس بار کمپنی نے معمول کے برعکس اپنے سیکیورٹی بلیٹن میں سیکیورٹی خامیوں کی تفصیلی فہرست شائع نہیں کی، جس سے ٹیکنالوجی کے ماہرین حیران رہ گئے۔

گوگل کی جانب سے جاری کردہ بیان میں محض اتنا بتایا گیا کہ اس اپ ڈیٹ میں اینڈرائیڈ ڈیوائسز کو درپیش خطرات کے سیکیورٹی پیچ شامل ہیں، لیکن بلیٹن میں کسی بھی CVEs (کامن ولنریبیلیٹیز اینڈ ایکسپوژرز) کی فہرست یا ان کی تعداد کا تذکرہ نہیں کیا گیا۔ دوسری جانب، سام سنگ (Samsung) نے اپنے گلیکسی سمارٹ فونز کے لیے جاری ماہانہ سیکیورٹی بلیٹن میں ان تمام خامیوں کی قلعی کھول دی ہے۔

سام سنگ کی رپورٹ کے مطابق گوگل کی اس جدید اپ ڈیٹ میں کل 38 اینڈرائیڈ سیکیورٹی خامیوں کے پیچ شامل ہیں، جن میں سے 08 انتہائی سنگین (Critical) اور 30 ہائی رسک (High Risk) کیٹیگری میں شامل ہیں۔ اس کے علاوہ سام سنگ نے خود اپنی ڈیوائسز کے لیے 18 مخصوص خامیوں (SVEs) کے سیکیورٹی پیچ بھی جاری کیے ہیں۔ ماہرینِ سائبر سیکیورٹی نے تمام اینڈرائیڈ (بالخصوص سام سنگ گلیکسی) صارفین کو ہدایت کی ہے کہ وہ اپنے سمارٹ فونز کو ممکنہ سائبر حملوں سے محفوظ رکھنے کے لیے فوری طور پر اپ ڈیٹ کر لیں۔