اچھی نیند سے پیٹ کی چربی کم اور چھاتی کے کینسر کا خطرہ گھٹتا ہے، تحقیق

ماہرین صحت کا کہنا ہے کہ اچھی اور باقاعدہ نیند لینے سے خواتین کے پیٹ کی چربی کم ہوتی ہے اور اس کے نتیجے میں بریسٹ کینسر کے خطرات میں کمی آتی ہے۔ تحقیقات کے مطابق خراب نیند، دائمی ذہنی دباؤ اور پیٹ کے گرد چربی خواتین میں بریسٹ کینسر کے بڑھتے خطرے سے جڑے ہیں۔

ماہرین کے مطابق ناقص نیند میلٹونن ہارمون، ایسٹروجن کے توازن، مدافعتی نظام اور ڈی این اے کی مرمت کے عمل پر اثر ڈالتی ہے، اور جب اس کے ساتھ موٹاپا، جسمانی غیرفعالیت اور طرز زندگی کی خامیاں شامل ہوں تو خطرہ کئی گنا بڑھ جاتا ہے۔