پاکستان میں سونے کی قیمت میں یکدم بڑی کمی

عالمی منڈی میں قیمتوں کے گرتے ہوئے رجحان کے زیرِ اثر پاکستان بھر کی صرافہ مارکیٹوں میں سونے اور چاندی کی قیمتوں میں غیر معمولی کمی ریکارڈ کی گئی ہے۔ بین الاقوامی مارکیٹ میں سونے کی قیمت 71 ڈالر کی بڑی کمی کے ساتھ 5105 ڈالر فی اونس پر آ گئی ہے، جس کے براہِ راست اثرات مقامی مارکیٹ پر مرتب ہوئے ہیں۔

پاکستان میں فی تولہ سونا 7100 روپے سستا ہو کر 533,262 روپے کی سطح پر پہنچ گیا ہے، جبکہ 10 گرام سونے کی قیمت میں 6087 روپے کی کمی دیکھی گئی ہے جس کے بعد اس کے نرخ 457,186 روپے ہو گئے ہیں۔ سونے کے ساتھ ساتھ چاندی کی قیمتوں میں بھی مندی کا رجحان رہا اور مقامی مارکیٹ میں چاندی کی فی تولہ قیمت 324 روپے کی کمی کے بعد 8851 روپے پر بند ہوئی۔ معاشی ماہرین کے مطابق عالمی سطح پر سرمایہ کاروں کی بدلتی ہوئی ترجیحات اور ڈالر کی قدر میں استحکام سونے کی قیمتوں میں اس حالیہ گراوٹ کی بڑی وجوہات ہیں۔