سونے کی قیمتیں مستحکم، چاندی معمولی سستی ہو گئی

ملک بھر میں سونے کی قیمتوں میں استحکام برقرار رہا ہے، جبکہ چاندی کے نرخوں میں معمولی کمی ریکارڈ کی گئی ہے۔ آل پاکستان صرافہ ایسوسی ایشن کے مطابق 24 قیراط فی تولہ سونا بغیر کسی تبدیلی کے 4 لاکھ 29 ہزار 136 روپے کی سطح پر برقرار رہا، جبکہ 10 گرام سونے کی قیمت بھی 3 لاکھ 67 ہزار 914 روپے پر مستحکم رہی۔ دوسری جانب، 24 قیراط فی تولہ چاندی کی قیمت میں 10 روپے کی کمی دیکھنے میں آئی جس کے بعد نئی قیمت 5 ہزار 668 روپے ہو گئی ہے۔ عالمی مارکیٹ میں بھی سونے کی خریدو فروخت مستحکم رہی، جہاں فی اونس سونا 4 ہزار 66 ڈالر کی سطح پر برقرار رہا۔