خلیج عمان میں کارگو جہاز میں آگ لگنے کے بعد اماراتی نیشنل گارڈز نے عملے کے 22 ارکان کو ریسکیو کر لیا

متحدہ عرب امارات کے نیشنل گارڈز نے خلیجِ عمان میں ایک ڈوبتے اور آگ کی زد میں آئے کارگو جہاز سے عملے کے 22 افراد کو کامیابی کے ساتھ بحفاظت ریسکیو کر لیا ہے۔

اماراتی کوسٹ گارڈز کے حکام کے مطابق، کارگو جہاز کے عملے کی جانب سے ایمرجنسی امدادی پیغام (ڈسٹریس کال) موصول ہوتے ہی اماراتی کوسٹ گارڈ اور نیشنل گارڈز کے خصوصی یونٹس نے فوری طور پر ریسکیو آپریشن شروع کیا۔ ٹیموں نے پیشہ ورانہ کارروائی کرتے ہوئے سمندر میں جہاز کا سراغ لگایا اور اس پر پھنسے تمام 22 افراد کو بحفاظت نکال کر محفوظ مقام پر منتقل کر دیا۔

ترجمان کے مطابق ریسکیو کیے گئے تمام 22 افراد کا تعلق مختلف عرب ممالک سے ہے اور طبی معائنے کے بعد ان تمام افراد کی حالت خطرے سے باہر بتائی گئی ہے۔