عالمی و مقامی مارکیٹس میں سونے کی قیمت میں پھر بڑی کمی

عالمی اور مقامی مارکیٹوں میں سونے کی قیمتوں میں ایک بار پھر بڑی کمی ریکارڈ کی گئی ہے۔ آل پاکستان صرافہ ایسوسی ایشن کے مطابق ملک بھر میں 24 قیراط فی تولہ سونا 3100 روپے سستا ہو کر 4 لاکھ 34 ہزار 436 روپے پر آ گیا ہے، جبکہ دس گرام سونے کی قیمت 2658 روپے کمی کے بعد 3 لاکھ 72 ہزار 458 روپے ہو گئی ہے۔ اسی طرح فی تولہ چاندی کی قیمت میں بھی 100 روپے کی کمی ہوئی ہے جس کے بعد چاندی 6 ہزار 488 روپے پر فروخت ہو رہی ہے۔ دوسری جانب بین الاقوامی مارکیٹ میں بھی سونا 31 ڈالر سستا ہو کر 4119 ڈالر فی اونس پر آ گیا ہے۔