شریف مرد کم ہوگئے، اچھا جیون ساتھی ملے تو فوراً شادی کرلینی چاہیے: غنا علی

معروف اداکارہ غنا علی نے کہا ہے کہ آج کے دور میں مخلص اور شریف مرد بہت کم رہ گئے ہیں، اس لیے اگر کوئی اچھا انسان مل جائے تو لڑکیوں کو شادی کرنے میں دیر نہیں کرنی چاہیے۔ نجی ٹی وی کے پروگرام ‘مذاق رات’ میں گفتگو کرتے ہوئے انہوں نے اپنی شادی شدہ زندگی کو سکون کا باعث قرار دیا۔ غنا علی کا کہنا تھا کہ شادی سے پہلے وہ اکثر تنہائی کا شکار رہتی تھیں کیونکہ گھر والے اپنے کاموں میں مصروف ہوتے تھے، لیکن اب شوہر کا ساتھ ان کی زندگی کی سب سے بڑی خوشی ہے۔