جرمن چانسلر کا نیتن یاہو کو فون، مفاہمتی یادداشت کو استحکام کیلئے بہترین موقع قرار دے دیا

جرمنی کے چانسلر فریڈرش میرز نے اسرائیلی وزیر اعظم بنیامین نیتن یاہو سے ٹیلیفونک گفتگو کی ہے، جس کے دوران انہوں نے زور دیا کہ امریکا اور ایران کے درمیان طے پانے والی حالیہ مفاہمتی یادداشت خطے میں استحکام کے لیے ایک بہترین موقع ہے۔ جرمن حکومت کے ترجمان کی جانب سے جاری کردہ آفیشل بیان کے مطابق، چانسلر میرز نے اس بات پر روشنی ڈالی کہ واشنگٹن اور تہران کے درمیان طے پانے والا یہ فریم ورک معاہدہ مشرقِ وسطیٰ میں طویل مدتی امن و استحکام کے قیام کے لیے سب سے مؤثر امکان فراہم کرتا ہے۔

دونوں سربراہانِ مملکت کے درمیان ہونے والی اس اہم ٹیلیفونک گفتگو میں لبنان کی موجودہ کشیدہ صورتحال پر بھی تفصیلی تبادلہ خیال کیا گیا، جبکہ مقبوضہ فلسطینی علاقوں میں جاری اسرائیلی اقدامات اور سلامتی کے امور بھی زیرِ بحث آئے۔ جرمن چانسلر نے سفارتی حل اور مذاکرات کے عمل کو آگے بڑھانے کی ضرورت پر زور دیا تاکہ خطے کو مزید کسی بڑی جنگ سے بچایا جا سکے۔