LIVE TV
Watch Now
Gold:
Intl: /g (22K) PK: /g (22K)
Stocks:
NY: ▲ ▼
China: ▲ ▼
Pakistan: ▲ ▼
India: ▲ ▼
TV ONE Logo
اہم خبریں
مکہ معاہدے کے تحت سعودی عرب کا دفاع ترجیح ہے، حاقان فیدان مولانا فضل الرحمان جہاں غلط ہوں گے وہاں کہا جائےگا: گورنر خیبر پختوںخوا خیبر پختونخوا کے ترقیاتی پیکیج کے 10 ارب روپے جاری ہونا خوش آئند: ثمر بلور پاکستان تحریک انصاف نے ایڈووکیٹ نیاز اللہ خان نیازی کو پارٹی کی سیاسی کمیٹی میں بھی شامل کر لیا پاکستان اورعمان کے درمیان پٹرولیم مصنوعات کی خرید و فروخت کا اہم معاہدہ طے پا گیا مخصوص طبقہ ملک پرمسلط، اِن سےجان چھڑانی ہوگی: حافظ نعیم الرحمٰن 12 مئی دوبارہ نہیں ہونے دیں گے، مذاکرات ہی مسائل کا حل ہیں، میئر کراچی ایک وزیر آجکل مجھ پر تبصرے کر رہا ہے، جواب دیا تو منہ چھپانےکے قابل نہیں رہےگا: محسن نقوی استنبول: ساتویں عالمی ویمن سمٹ، اعظم نذیر تارڑ کی قیادت میں پاکستانی وفد کی شرکت پاکستان 23 سے 26 نومبر تک اسلام آباد میں نیوکلیئر سیکیورٹی نیٹ ورک کے 15ویں سالانہ اجلاس کی میزبانی کرے گا پاکستان تحریک انصاف خیبر پختونخوا کے اراکینِ قومی اسمبلی کا اسلام آباد میں اہم اجلاس نئے صوبوں کا قیام ملک کی ترقی اور سلامتی کیلئے ناگزیر ہے: مصطفیٰ کمال محسن نقوی کا نادرا سنٹر پیکو روڈ کا دورہ، مسائل کے حل کیلیے موقع پر ہی احکامات جاری سرکاری قرضوں میں ایک سال کے دوران 6 ہزار 200 ارب روپے کا بھاری اضافہ ایران اور روس کے درمیان جوہری تعاون جاری رہے گا: روسی عہدیدار

وینس فلم فیسٹیول: غزہ پر بنی فلم ’نازا‘ کو 25 منٹ تک کھڑے ہو کر سراہا گیا

Web Desk

11 September 2026

وینس: غزہ میں عام شہریوں کی ہلاکتوں اور اسرائیلی عسکری نظام پر مبنی دستاویزی فلم ’نازا‘ (Naza) کو وینس فلم فیسٹیول میں پریمیئر کے دوران 25 منٹ تک کھڑے ہو کر زبردست خراجِ تحسین (Standing Ovation) پیش کیا گیا۔

80 منٹ دورانیے پر مشتمل اس دستاویزی فلم کی ہدایت کاری معروف اسرائیلی صحافیوں یووال ابراہم (Yuval Abraham) اور ریچل زور (Rachel Szor) نے دی ہے۔ فلم میں اس بات کا سنسنی خیز انکشاف اور دستاویزات پیش کی گئی ہیں کہ کس طرح اسرائیل غزہ میں فلسطینیوں کو نشانہ بنانے کے لیے مصنوعی ذہانت (AI) سے چلنے والے نظام کا استعمال کر رہا ہے۔ یاد رہے کہ یہ فلم ساز جوڑی 2025ء میں مقبوضہ مغربی کنارے میں فلسطینیوں پر تشدد سے متعلق اپنی دستاویزی فلم ’نو ادر لینڈ‘ (No Other Land) پر آسکر ایوارڈ بھی حاصل کر چکی ہے، جس میں فلسطینی شریک ہدایت کار باسل عدرا اور حمدان بلال شامل تھے۔

تقریباً 3 سال کی طویل اور وسیع تحقیق کے بعد تیار کی جانے والی اس فلم میں اسرائیلی فوج اور انٹیلی جنس کے اعلیٰ ذرائع کے سنسنی خیز بیانات اور گواہیاں شامل ہیں۔ شناخت ظاہر نہ کرنے کی شرط پر بات کرنے والے ان گواہوں کے چہروں اور آوازوں کو ڈیجیٹل طور پر تبدیل کیا گیا ہے، جبکہ تمام انٹرویوز تل ابیب کی عمارتوں کی چھتوں پر رات کی تاریکی میں ریکارڈ کیے گئے۔

فلم سازوں نے امید ظاہر کی ہے کہ اسرائیلی عسکری حکام کے اعترافات پر مبنی یہ فلم دنیا بھر کے ناظرین کو غزہ کے المیے پر خاموش رہنے سے روکے گی۔ یہ شاہکار دستاویزی فلم وینس فلم فیسٹیول میں مؤقر ’گولڈن لائن ایوارڈ‘ (Golden Lion Award) کے لیے دیگر 21 عالمی فلموں کے ساتھ مقابلے میں شامل ہے۔