معروف فرانسیسی اداکار کا اسلام قبول کرنے کے بعد والدہ کے ہمراہ عمرہ

معروف فرانسیسی ٹی وی اسٹار ڈیلن تھیری اور ان کی والدہ نے اسلام قبول کرنے کے بعد عمرے کی سعادت حاصل کرلی۔

سوشل میڈیا پر ڈیلن تھیری کی ایک پوسٹ وائرل ہو رہی ہے جس میں وہ اپنی والدہ کے ساتھ مکہ مکرمہ میں خانہ کعبہ کے سامنے موجود ہیں۔ اداکار نے انسٹاگرام پر ایک خبر کا اسکرین شاٹ بھی شیئر کیا، جس میں وہ اپنی والدہ کے ماتھے کو بوسہ دیتے ہوئے نظر آ رہے ہیں۔

رپورٹس کے مطابق ڈیلن تھیری اور ان کی والدہ چند ماہ قبل دائرہ اسلام میں داخل ہوئے تھے، اور اسلام قبول کرنے کے بعد انہوں نے مقدس مقام کا دورہ کیا، جو ان کی زندگی کا نہایت روحانی اور جذباتی سنگِ میل ثابت ہوا۔

اداکار نے کہا کہ اپنی والدہ کے ساتھ اس بابرکت سفر کا تجربہ شکرگزاری، اخلاص اور ایمان کے تحت زندگی کے ایک نئے آغاز کی نمائندگی کرتا ہے۔