فضا علی کا ڈاکٹر نبیہا کیساتھ پروگرام اسکرپٹڈ نکلا، خفیہ آڈیو لیک

سوشل میڈیا پر اداکارہ و میزبان فضا علی کے رمضان پروگرام سے منسوب ایک مبینہ آڈیو تیزی سے وائرل ہو رہی ہے، جس نے حال ہی میں ڈاکٹر نبیہا علی خان کے جذباتی انٹرویو پر کھڑے ہونے والے تنازع کو نئی ہوا دے دی ہے۔ وائرل آڈیو میں بظاہر پروگرام کے بعد کی گفتگو سنائی دے رہی ہے، جس میں فضا علی کو یہ کہتے سنا جا سکتا ہے کہ “آئیڈیا اچھا تھا” اور یہ کہ “آج کی یہ قسط بھی وائرل ہی نکلی”۔ آڈیو میں موجود دیگر افراد کی آوازیں اس بات پر تبادلہ خیال کر رہی ہیں کہ اس انٹرویو پر بہت زیادہ میمز بنیں گی اور سوشل میڈیا پر تبصرے ہوں گے۔

واضح رہے کہ ڈاکٹر نبیہا علی خان نے حال ہی میں اپنے شوہر حارث کھوکھر کے ساتھ پیدا ہونے والے شدید اختلافات اور طلاق کی نوبت آنے کے بارے میں فضا علی کے پروگرام میں گفتگو کی تھی۔ اس دوران فضا علی کے آبدیدہ ہونے اور شدید جذباتی ردعمل پر سوشل میڈیا صارفین نے انہیں تنقید کا نشانہ بناتے ہوئے اسے ‘اوور ایکٹنگ’ اور ‘پلانٹڈ’ قرار دیا تھا۔ اب اس نئی آڈیو کے سامنے آنے کے بعد صارفین کا دعویٰ ہے کہ یہ سارا سین ریٹنگز کے لیے پہلے سے طے شدہ (Scripted) تھا، تاہم فضا علی یا پروگرام انتظامیہ کی جانب سے تاحال اس آڈیو کی تصدیق یا تردید سامنے نہیں آئی ہے