اسلام آباد میں گندھارا تہذیب کا پہلا ورچوئل سفر

اسلام آباد میں قائم جدید ڈیجیٹل گندھارا گیلری میں ملک کی قدیم ترین تہذیب گندھارا کو جدید ٹیکنالوجی کے ذریعے ورچوئل ماحول میں پیش کیا گیا ہے۔ گیلری میں تھری ڈی ٹیکنالوجی، مصنوعی ذہانت اور جدید آلات کے ذریعے تاریخ کو زندہ کیا گیا ہے۔

یہ منصوبہ کوریا ہیریٹیج ایجنسی، محکمہ آثار قدیمہ پاکستان اور نیشنل ہیریٹیج اینڈ کلچر ڈویژن کے اشتراک سے مکمل کیا گیا ہے۔ گیلری کا وزٹ کرنے والے خود کو گندھارا دور میں محسوس کرتے ہیں، جبکہ طالبعلم، محققین اور ملکی و غیر ملکی سیاح اس کی بھرپور تعریف کر رہے ہیں۔

گندھارا گیلری نہ صرف تاریخ کے طالبعلموں کو قدیم تہذیب سمجھنے میں مدد دے گی بلکہ عالمی سطح پر پاکستان کی ثقافتی شناخت کو بھی اجاگر کرے گی۔