دنیا میں پہلی بار ایبولا کی نئی ویکسین کا انسانی ٹرائل شروع

دنیا میں پہلی بار ایبولا وائرس کی خطرناک ‘بنڈی بگیو’ قسم کے خلاف آکسفورڈ یونیورسٹی کی تیار کردہ تجرباتی ویکسین کا انسانی ٹرائل شروع کر دیا گیا ہے۔ برطانیہ کے 37 سالہ رضاکار ایڈ ہنٹ کو اس جدید ویکسین کی پہلی خوراک دی گئی، جسے کووڈ-19 ویکسین والی ٹیکنالوجی استعمال کرتے ہوئے صرف 8 ہفتوں میں تیار کیا گیا ہے۔ آکسفورڈ یونیورسٹی کی پروپیسر ٹریسا لیمب کی سربراہی میں جاری اس ابتدائی مرحلے (Phase-1) کے ٹرائل میں 18 سے 55 سال کے 50 صحت مند رضاکار شامل کیے گئے ہیں تاکہ ویکسین کی تحفظ اور مدافعتی صلاحیت کا جائزہ لیا جا سکے۔ ماہرین کے مطابق اس قسم کے ایبولا وائرس کے خلاف انسانی ٹرائل تک پہنچنے والی یہ دنیا کی پہلی ویکسین ہے، جبکہ آکسفورڈ کی ٹیم کا کہنا ہے کہ جلد ہی یوگنڈا میں بھی اس کے ابتدائی آزمائشی مراحل کا آغاز کیا جائے گا۔