وفاقی وزیر خزانہ محمد اورنگزیب سے آئیکون ٹیکنالوجی کے وفد کی ملاقات

اسلام آباد: وفاقی وزیر خزانہ محمد اورنگزیب سے آئیکون ٹیکنالوجی کے وفد نے ملاقات کی، جس میں پاکستان میں ڈیجیٹل اثاثوں کے ضابطہ جاتی فریم ورک پر تفصیلی گفتگو ہوئی۔

وزیر خزانہ نے وفد کو ڈیجیٹل اثاثوں کے لیے فریم ورک کی تیاری، کرپٹو کونسل اور ورچوئل اثاثہ جات ریگولیٹری اتھارٹی کی پیش رفت کے حوالے سے بریفنگ دی۔ انہوں نے کہا کہ حکومت ڈیجیٹل اثاثوں کو باقاعدہ اور منظم ماحول میں لانے کی خواہاں ہے اور پاکستان میں ڈیجیٹل اثاثوں کی بڑھتی ہوئی شمولیت اس بات کا ثبوت ہے کہ مارکیٹ میں مواقع اور خطرات دونوں موجود ہیں۔

وفد نے بلاک چین ٹیکنالوجی اور اسٹیبل کوائنز کی انقلابی صلاحیت پر بھی روشنی ڈالی، جبکہ آئیکون ٹیکنالوجی کے چیئرمین نے امریکہ اور کینیڈا کی منڈیوں کے تجربات سے آگاہ کیا۔ وزیر خزانہ نے واضح کیا کہ پالیسی فریم ورک مارکیٹ کے شرکاء کو واضح رہنمائی فراہم کرے گا اور توازن قائم رکھنے کے لیے ریگولیشن ناگزیر ہے۔