فلم دنگل کیلئے وزن بڑھانے کے باعث خوفناک بیماری کا سامنا کیا، فاظمہ ثنا کا انکشاف

ممبئی: بھارتی اداکارہ فاطمہ ثنا شیخ نے انکشاف کیا ہے کہ فلم دنگل کے لیے کردار کے مطابق وزن بڑھانے کے بعد وہ شدید کھانے کی بیماری بلومیا کا شکار ہو گئیں۔

فاطمہ ثنا کے مطابق روزانہ 2,500 سے 3,000 کیلوریز لینے کے بعد شوٹنگ ختم ہونے پر انہوں نے ورزش ترک کر دی، مگر کھانے کی عادت برقرار رہی، جس سے کھانے کے ساتھ تعلق الجھ گیا۔ بعض اوقات وہ دو گھنٹے تک مسلسل کھانے کے بعد خود کو قے کرنے پر مجبور کرتی تھیں۔اداکارہ نے بتایا کہ اس دوران انہیں شدید ذہنی دباؤ اور احساس جرم کا سامنا کرنا پڑا اور انہوں نے بیماری کو صرف کھانے کا مسئلہ نہیں بلکہ ذہنی صحت کا بھی مسئلہ سمجھا۔اب فاطمہ ثنا اپنی صحت کے لیے زیادہ محتاط ہیں اور متوازن طرزِ زندگی اپنانے کی کوشش کر رہی ہیں۔