معروف اداکارہ امانی ڈایا اسمتھ قاتلانہ حملے میں ہلاک

غیر ملکی خبر رساں ایجنسی کے مطابق براڈوے کی معروف 25 سالہ اداکارہ امانی ڈایا اسمتھ، جو اسٹیج پر پیش کی جانے والی فلم دی لائن کنگ میں ینگ نالا کے کردار سے شہرت رکھتی تھیں، نیو جرسی میں اپنے رہائشی اپارٹمنٹ میں قتل ہو گئیں۔

مڈل سیکس کاؤنٹی پراسیکیوٹر آفس کے مطابق اتوار کی صبح 9 بج کر 18 منٹ پر گروو ایونیو پر واقع ایک رہائش گاہ سے چاقو سے حملے کی اطلاع پر 911 کال موصول ہوئی۔ پولیس کے پہنچنے پر امانی اسمتھ کو شدید زخمی حالت میں پایا گیا، جنہیں فوری طور پر رابرٹ وُڈ جانسن یونیورسٹی اسپتال منتقل کیا گیا، جہاں وہ جانبر نہ ہو سکیں۔

پولیس نے مقتولہ کے 35 سالہ بوائے فرینڈ جارڈن ڈی جیکسن اسمال کو گرفتار کر لیا ہے۔ پراسیکیوٹر آفس کے مطابق دونوں ایک دوسرے کو پہلے سے جانتے تھے، اس لیے واقعہ کسی اتفاقی تشدد کا نتیجہ نہیں تھا۔

ابتدائی تفتیش کے بعد ملزم کو بغیر کسی مزاحمت کے گرفتار کیا گیا۔ اس پر فرسٹ ڈگری قتل، سیکنڈ ڈگری بچے کی فلاح کو خطرے میں ڈالنے، تھرڈ ڈگری غیر قانونی مقصد کے لیے ہتھیار رکھنے اور فورتھ ڈگری غیر قانونی طور پر ہتھیار رکھنے کے الزامات عائد کیے گئے ہیں۔