پمز ہسپتال میں جعلی ڈاکٹر بن کر ڈیوٹی کرنے والا نوجوان گرفتار

اسلام آباد کے پاکستان انسٹی ٹیوٹ آف میڈیکل سائنسز (پمز) ہسپتال میں جعلی ڈاکٹر بن کر ڈیوٹی سرانجام دینے والے ایک نوجوان کو گرفتار کر لیا گیا ہے۔ ذرائع کے مطابق ملزم ہسپتال کے وارڈ ایریا میں ڈاکٹر کے طور پر کام کر رہا تھا کہ چیکنگ کے دوران اس کا جعلی ڈاکٹر ہونا سامنے آیا۔ گرفتار ملزم کی شناخت مظہر منظور مغل کے نام سے ہوئی ہے، جس کے قبضے سے سٹیتھوسکوپ اور جعلی میڈیکل آفیسر کی مہر بھی برآمد کر لی گئی ہے۔ ہسپتال انتظامیہ نے ملزم کو قانونی کارروائی کے لیے تھانہ کراچی کمپنی پولیس کے حوالے کر دیا ہے۔