روسی صدر کی کارٹون سیریز میں دھماکے دار انٹری؟ قوم کو نئے سال کا پیغام
Web Desk
9 January 2026
عالمی خبر رساں ادارے کے مطابق روس کے صدر ولادیمیر پوٹن نے بچوں کے مشہور روسی کارٹون پروسٹوکواشینو میں بطور کردار شرکت کر کے شائقین کو حیرت میں مبتلا کر دیا۔ صدر پوٹن باتیں کرنے والی بلی اور کتے کے ساتھ کارٹون میں نظر آئے اور اس موقع پر اپنی قوم کو نئے سال کی مبارکباد بھی دی۔
کارٹون میں افسانوی گاؤں پروسٹوکواشینو کے باسی اس وقت دنگ رہ گئے جب انہوں نے صدرِ روس کو اپنے پسندیدہ کارٹون کرداروں کے ساتھ اسکرین پر دیکھا۔ یہ پہلا موقع ہے کہ صدر پوٹن کو کسی کارٹون میں باقاعدہ کردار کے طور پر پیش کیا گیا، جس نے نہ صرف بچوں بلکہ بڑوں کی توجہ بھی حاصل کر لی۔
ماسکو میں واقع پروسٹوکواشینو تھیم پارک میں بچوں کے ہمراہ آنے والے والدین نے بھی کارٹون میں صدر کی موجودگی کو خوش آئند قرار دیا۔ مرینا نامی ایک خاتون کا کہنا تھا کہ “کارٹون میں سب کچھ ممکن ہوتا ہے، پھر صدر پوٹن کی انٹری کیوں نہیں؟”
ایک اور خاتون نے کہا کہ بچے پہلے ہی صدر پوٹن کو جانتے ہیں، اس لیے انہیں کارٹون میں دیکھنا ان کے لیے مزید دلچسپی کا باعث بنے گا، جبکہ غیر ملکی ناظرین کے لیے بھی یہ ایک منفرد تجربہ ہوگا۔
صدر پوٹن کو کارٹون میں شامل کرنے کا یہ منفرد خیال معروف اینی میشن اسٹوڈیو سویوزملتفلم کی بورڈ چیئرپرسن یولیانا سلاشیوا کا تھا۔ ان کا کہنا ہے کہ روس اپنے کارٹون سابق کمیونسٹ ممالک، مشرقِ وسطیٰ اور دیگر خطوں میں فروخت کرتا ہے اور اب چین میں بھی اپنی ثقافتی موجودگی کو فروغ دینا چاہتا ہے۔
یولیانا سلاشیوا نے واضح کیا کہ پروسٹوکواشینو میں صدر پوٹن کی شمولیت کو “سافٹ پاور” کے طور پر استعمال کیا جا رہا ہے، جس کا مقصد روسی ثقافت، اقدار اور قومی تشخص کو دنیا بھر میں متعارف کرانا ہے۔
کارٹون میں صدر کی یہ غیر متوقع انٹری سوشل میڈیا پر تیزی سے وائرل ہو رہی ہے، جہاں صارفین اسے کبھی دلچسپ اور کبھی حیران کن قرار دے رہے ہیں۔
متعلقہ عنوانات
ٹک ٹاکر کی مہندی تقریب میں دو افراد کی ہلاکت کیس میں اہم پیشرفت
21 November 2026
حنا جاوید قتل کیس: پولیس نے چالان میں گھریلو ملازم ذیشان کو مرکزی ملزم قرار دے دیا
21 November 2026
روسی وزارت خارجہ کی پریس بریفنگ میں پاکستانی اداکارہ دنانیر مبین کی کامیابی کا خصوصی ذکر
21 November 2026
سینئر اینکر پرسن ربیعہ احسن قتل کیس، ملزم احسن طاہر اڈیالہ جیل سے رہا
20 November 2026
شازیہ منظور کی جائیداد پر مبینہ قبضے کی کوشش، 2 ملزمان گرفتار
20 November 2026
مس یونیورس ویتنام سے 48 روز بعد ہی تاج واپس لے لیا گیا
20 November 2026
عالمی آرٹ میلے میں پاکستانی ثقافت کی نمائندگی، گلوکار عظیم ڈار کو گیسٹ آف آنر کا اعزاز
20 November 2026
گلوکارہ شازیہ منظور کے گھر مسلح افراد کا حملہ، جان سے مارنے کی دھمکیاں
19 November 2026