پرو ہاکی لیگ بھی قومی ہاکی کھلاڑیوں کی قسمت کو نہ بدل سکی

ذرائع کے مطابق قومی ہاکی ٹیم کے متعدد کھلاڑیوں نے ڈیلی الاؤنسز کی عدم ادائیگی کے باعث ادھار لے کر اپنے روزمرہ اخراجات پورے کیے ہیں۔ متاثرہ کھلاڑیوں کا کہنا ہے کہ پرو ہاکی لیگ سے متعلق ڈیلیز کے معاملات تاحال حل نہیں ہو سکے۔

کھلاڑیوں کے مطابق فیڈریشن کی جانب سے دعویٰ کیا گیا تھا کہ حکومت کی طرف سے فراہم کردہ فنڈز ڈیلی الاؤنسز کی ادائیگی کے لیے کافی ہوں گے، تاہم عملی طور پر صورتحال جوں کی توں ہے۔

قومی ٹیم کے کھلاڑیوں نے بتایا کہ نومبر میں بنگلادیش کے دورے کے لیے لگنے والے کیمپ کی ڈومیسٹک اور انٹرنیشنل ڈیلی تاحال ادا نہیں کی گئی۔ اسی طرح پرو ہاکی لیگ کے کیمپ کی ڈومیسٹک اور دورے کی انٹرنیشنل ڈیلی بھی واجب الادا ہے۔