یورپی کمیشن نے گوگل پر بھاری جرمانہ عائد کر دیا

یورپی یونین نے سرچ انجن کے شعبے میں غیر منصفانہ بالادستی اور حریف کمپنیوں کی سروسز کو دبانے کے الزام میں ٹیکنالوجی جائنٹ گوگل پر 89 کروڑ یورو (تقریباً 1 ارب امریکی ڈالرز) کا بھاری جرمانہ عائد کر دیا ہے۔ یورپی کمیشن کے مطابق گوگل نے اپنے ڈیجیٹل مارکیٹس ایکٹ کی خلاف ورزی کرتے ہوئے سرچ رزلٹس میں اپنی شاپنگ، ٹریول اور دیگر سروسز کو ترجیح دی اور پلے اسٹور میں ڈویلپرز کو متبادل پیمنٹ آپشنز ظاہر کرنے سے روکا۔ فیصلہ نہ ماننے کی صورت میں 60 دن بعد مزید جرمانے کا انتباہ دیا گیا ہے، جبکہ گوگل کا کہنا ہے کہ اس فیصلے سے یورپی صارفین کا نقصان ہو گا۔ اس اقدام سے امریکا اور یورپی یونین کے درمیان تجارتی تناؤ میں اضافے کا اندیشہ ظاہر کیا جا رہا ہے۔