عمران ہاشمی فلم کی شوٹنگ کے دوران خطرناک حادثے سے بال بال بچ گئے
Web Desk
14 October 2026
بالی ووڈ اداکار عمران ہاشمی اپنی نئی آنے والی ایکشن اور جاسوسی فلم ’گن ماسٹر جی 9‘ (Gunmaster G9) کی عکسبندی کے دوران ایک خوفناک حادثے سے بال بال بچ گئے، جہاں ایک خطرناک اسٹنٹ کے دوران ہوا سے گرنے والی کار ان کے چہرے سے محض ایک فٹ کے فاصلے پر آ گری۔
بھارتی ذرائع ابلاغ کے مطابق یہ واقعہ 13 اکتوبر کو بنگلورو میں فلم کے سنسنی خیز کلائمکس کی شوٹنگ کے دوران پیش آیا۔ سیٹ پر ایک مخصوص ہائی ٹیک میکانزم کی مدد سے کار کو ہوا میں معلق رکھ کر اسٹنٹ فلمایا جا رہا تھا کہ اچانک تکنیکی خرابی کے باعث گاڑی بے قابو ہو کر نیچے آ گری۔ حادثے کے باعث سیٹ پر شدید افراتفری پھیل گئی اور شوٹنگ کو فوری طور پر روکنا پڑا، تاہم 47 سالہ عمران ہاشمی معجزانہ طور پر محفوظ رہے اور انہیں کوئی چوٹ نہیں آئی، جبکہ سیٹ پر موجود عملے کا کوئی دوسرا رکن بھی زخمی نہیں ہوا۔
رپورٹس کے مطابق فلم کے ہدایت کار آدتیہ دت اور پروڈیوسرز نے تاحال واقعے پر کوئی باضابطہ بیانیہ جاری نہیں کیا ہے، جس کی وجہ سے یہ بحث بھی جاری ہے کہ آیا یہ واقعہ طے شدہ اسٹنٹ کا حصہ تھا یا واقعی کوئی ٹیکنیکل فالٹ تھا۔ واضح رہے کہ اس ایکشن فلم میں عمران ہاشمی کے ساتھ جینیلیا ڈی سوزا، اپارشکتی کھرانہ اور ابھیشیک سنگھ بھی جلوہ گر ہو رہے ہیں، جبکہ یہ فلم 27 نومبر 2026 کو دنیا بھر کے سنیما گھروں میں نمائش کے لیے پیش کی جائے گی۔
متعلقہ عنوانات
ٹک ٹاکر کی مہندی تقریب میں دو افراد کی ہلاکت کیس میں اہم پیشرفت
21 November 2026
حنا جاوید قتل کیس: پولیس نے چالان میں گھریلو ملازم ذیشان کو مرکزی ملزم قرار دے دیا
21 November 2026
روسی وزارت خارجہ کی پریس بریفنگ میں پاکستانی اداکارہ دنانیر مبین کی کامیابی کا خصوصی ذکر
21 November 2026
سینئر اینکر پرسن ربیعہ احسن قتل کیس، ملزم احسن طاہر اڈیالہ جیل سے رہا
20 November 2026
شازیہ منظور کی جائیداد پر مبینہ قبضے کی کوشش، 2 ملزمان گرفتار
20 November 2026
مس یونیورس ویتنام سے 48 روز بعد ہی تاج واپس لے لیا گیا
20 November 2026
عالمی آرٹ میلے میں پاکستانی ثقافت کی نمائندگی، گلوکار عظیم ڈار کو گیسٹ آف آنر کا اعزاز
20 November 2026
گلوکارہ شازیہ منظور کے گھر مسلح افراد کا حملہ، جان سے مارنے کی دھمکیاں
19 November 2026