ایلون مسک کا ’ایوری تھنگ ایپ‘ کی جانب بڑا قدم

ایلون مسک نے ایکس (X) کو ‘ایوری تھنگ ایپ’ بنانے کی سمت میں اہم پیشرفت کرتے ہوئے 28 جولائی 2026 سے امریکا بھر میں ‘ایکس منی’ (X Money) سروس باضابطہ طور پر لانچ کر دی ہے۔ اس سروس کے تحت پریمیئم اور پریمیئم+ صارفین ایپ سے باہر نکلے بغیر بینکنگ، بلوں کی ادائیگی، فری ہینڈل ٹرانسفرز، وائر ٹرانسفر اور ویزا ڈیبٹ کارڈ جیسی مالیاتی سہولیات استعمال کر سکیں گے۔ ایکس منی میں ڈپازٹ کی جانے والی رقوم ایف ڈی آئی سی (FDIC) سے منسلک کراس ریور بینک میں محفوظ ہوں گی، جہاں فی صارف 250,000 امریکی ڈالر تک کے ڈپازٹس انشورڈ ہوں گے جبکہ کیش سوئیپ کے تحت یہ حد 10 ملین ڈالر تک جا سکتی ہے۔ اس کے علاوہ، پریمیئم+ صارفین کو 6% سالانہ منافع (APY) فراہم کیا جائے گا جبکہ روایتی پاس ورڈز کی جگہ سائبر تحفظ کے لیے ‘پاس کیز’ (Passkeys) متعارف کرائی گئی ہیں۔