ایلون مسک کو خلا میں مزید سیٹلائٹس لانچ کرنے کی اجازت مل گئی

ایلون مسک کی خلائی کمپنی سپیس ایکس کو اپنا انٹرنیٹ نیٹ ورک بڑھانے کے لیے خلا میں مزید سٹار لنک سیٹلائٹس لانچ کرنے کی اجازت مل گئی ہے۔

امریکہ کے وفاقی مواصلاتی کمیشن (FCC) نے کمپنی کو جنریشن 2 سیٹلائٹس میں اپ گریڈ کرنے کی بھی منظوری دی ہے، جس کے بعد سپیس ایکس دنیا کے مزید حصوں میں اپنی براڈبینڈ اور موبائل سروسز فراہم کر سکے گی۔

اس منظوری کے تحت کمپنی 7500 مزید جنریشن 2 اسٹار لنک سیٹلائٹس بنانے، لانچ کرنے اور آپریٹ کرنے کی اجازت رکھتی ہے۔ یہ توسیع سپیس ایکس کو عالمی سطح پر ہائی سپیڈ انٹرنیٹ فراہم کرنے میں مدد دے گی۔

واضح رہے کہ زمین کے نچلے مدار میں موجود 9000 سے زائد اسٹار لنک سیٹلائٹس میں دو تہائی سپیس ایکس کے ہیں۔