نجی معلومات تک غیر قانونی رسائی، ہالی ووڈ اداکارہ کا میڈیا سے متعلق بھیانک انکشاف

ہالی ووڈ اداکارہ ایلزبتھ ہرلی نے برطانیہ کی عدالت میں سماعت کے دوران انکشاف کیا کہ ان کے بارے میں نجی معلومات تک غیر قانونی رسائی حاصل کی گئی اور یہ معلومات میڈیا میں شائع کی گئیں۔

ایلزبتھ ہرلی نے عدالت کو بتایا کہ ان کے موبائل فونز ہیک کیے گئے اور گھر میں خفیہ مائیکروفون نصب کر کے نجی بات چیت سنی گئی۔ بعض خبروں میں ان کی حمل کے دوران طبی تفصیلات تک شائع کی گئیں۔

ایلزبتھ ہرلی سمیت شہزادہ ہیری، گلوکار ایلٹن جان اور دیگر مشہور شخصیات نے ایسوسی ایٹڈ نیوز پیپرز کے خلاف مقدمہ دائر کیا ہے۔ عدالت کے دوران ایلزبتھ ہرلی جذباتی ہو گئیں اور شہزادہ ہیری نے انہیں تسلی دی۔

مذکورہ اشاعتی ادارے نے تمام الزامات کو بے بنیاد اور بہتان قرار دیا ہے۔