LIVE TV
Watch Now
Gold:
Intl: /g (22K) PK: /g (22K)
Stocks:
NY: ▲ ▼
China: ▲ ▼
Pakistan: ▲ ▼
India: ▲ ▼
TV ONE Logo
اہم خبریں
پاکستان اور مالدیپ کے درمیان بحری تجارت اور تعاون بڑھانے پر اتفاق اسلام آباد پولیس کی SWAT فورس کو 20 نئی گاڑیاں فراہم کر دی گئیں سعودیہ نے ریاض کے بلند ترین ٹاور متاثر ہونے کی تصدیق کردی سلامتی کونسل کالعدم بی ایل اے اور مجید بریگیڈ پر پابندیاں لگائے: چین افغانستان میں دہشتگرد گروہوں سے رکن ممالک کو خطرہ ہے: سربراہ سلامتی کونسل دبئی رن 2026ء کیلئے اہم سہولت، شرکا کی گاڑیوں کیلئے 15 ہزار پارکنگ مقامات مختص دبئی میں عالمی ٹیکنالوجی نمائش جیٹیکس گلوبل 7 دسمبر سے شروع ہوگی شنگھائی تعاون تنظیم کا اجلاس، وفاقی وزیر مصدق ملک بھارت پہنچ گئے سعودی عرب کے حقِ دفاع کی حمایت، حوثی ملیشیا کے حملے بند کیے جائیں: پاکستان ایران کیخلاف جاری جنگ پر امریکا کے اخراجات بڑھ کر 48.3 ارب ڈالر تک پہنچ گئے ایران کیخلاف جاری جنگ پر امریکا کے اخراجات بڑھ کر 48.3 ارب ڈالر تک پہنچ گئے صدر ٹرمپ نے چینی اور روسی ہم منصب کو امن بارے سخت پیغام دیدیا: جیرڈ کشنر وائٹ ہاؤس کے نیشنل سائبر ڈائریکٹر شان کیرن کراس نے عہدے سے استعفیٰ دیدیا بلوچستان کے نوجوانوں کیلئے وفاقی محکموں میں ہزاروں ملازمتوں کا اعلان بیوٹی ورلڈ دبئی 2027ء کی تاریخوں کا اعلان، عالمی نمائش ایکسپو سٹی منتقل کرنے کا فیصلہ

عمران خان کو نقصان ہوا تو حکومت ذمہ دار ہو گی: محمود اچکزئی

Web Desk

30 January 2026

محمود خان اچکزئی نے کہا ہے کہ اپوزیشن جماعتوں نے 8 فروری کو مبینہ انتخابی دھاندلی اور ووٹ چوری کے خلاف ملک گیر احتجاج کا اعلان کر دیا ہے۔ سیاسی کمیٹی کے اجلاس کے بعد میڈیا سے گفتگو کرتے ہوئے ان کا کہنا تھا کہ 25 کروڑ عوام کی رائے کو طاقت کے زور پر چھینا گیا، جس کے خلاف پوری قوم کو آواز اٹھانا ہو گی۔

انہوں نے واضح کیا کہ اپوزیشن کو افواج پاکستان یا پولیس سے کوئی دشمنی نہیں، ہماری خواہش ہے کہ تمام ریاستی ادارے آئین کے دائرے میں رہ کر کام کریں۔ محمود اچکزئی کا کہنا تھا کہ احتجاج کے اعلان کے ساتھ ہی بانی پی ٹی آئی کی صحت سے متعلق تشویش پھیلائی جا رہی ہے، جسے وہ تحریک کے اصل مقصد سے توجہ ہٹانے کی کوشش قرار دیتے ہیں۔

انہوں نے کہا کہ بانی پی ٹی آئی کوئی عام فرد نہیں بلکہ 25 کروڑ عوام کے لیڈر ہیں، اگر انہیں کوئی نقصان پہنچا تو اس کی ذمہ داری براہِ راست حکومت پر ہو گی۔ ان کا کہنا تھا کہ بانی کی صحت اتنی خراب نہیں جتنا پراپیگنڈا کیا جا رہا ہے۔

محمود اچکزئی نے پی ٹی آئی کارکنان کو مخاطب کرتے ہوئے کہا کہ اپنے مشن سے پیچھے نہ ہٹیں، مغرب سے مشرق تک بازاروں میں نکلیں، دکانداروں سے ایک دن تعاون کی اپیل کریں اور 8 فروری کو کاروبار بند رکھا جائے۔ انہوں نے کہا کہ ٹرانسپورٹ تنظیمیں بھی اس احتجاج میں شامل ہوں۔

انہوں نے بتایا کہ کل یا پرسوں ملک بھر میں مشعل بردار جلوس نکالے جائیں گے اور احتجاج مکمل طور پر پُرامن ہو گا۔ آخر میں انہوں نے کہا کہ ہمارا مطالبہ آزاد الیکشن کمیشن اور شفاف انتخابات ہیں، جو جماعت جیتے وہ اقتدار سنبھالے، آئیں مل کر پاکستان کی تشکیل نو کریں۔