سورج سے چلنے والی دنیا کی پہلی ایمبولینس کا کامیاب تجربہ

افریقہ میں طبی سہولیات کی عدم دستیابی اور بجلی کے بحران سے نمٹنے کے لیے نیدرلینڈز کی ‘آئندھوون یونیورسٹی آف ٹیکنالوجی’ کے 23 طلبہ نے شمسی توانائی سے چلنے والی دنیا کی پہلی منفرد ایمبولینس ’اسٹیلا جووا‘ (Stella Jouwa) تیار کر لی ہے۔ یہ گاڑی روایتی ایمبولینسوں کے برعکس مریضوں کو منتقل کرنے کے بجائے ایکسرے، الٹراساؤنڈ اور ویکسین کولنگ فریج جیسے اہم طبی آلات اور انہیں چلانے کے لیے درکار سولر پاور دور دراز علاقوں تک پہنچاتی ہے۔ کینیا کے دشوار گزار اور بغیر بجلی کے دیہی علاقوں میں غیر سرکاری تنظیم ‘امریف ہیلتھ افریقہ’ کے تعاون سے کیے گئے 800 کلومیٹر کے کامیاب تجرباتی سفر نے ثابت کیا کہ یہ گاڑی تمام آلات چلانے کے بعد بھی اضافی بجلی پیدا کرنے کی صلاحیت رکھتی ہے۔ ماہرین صحت کا کہنا ہے کہ یہ اختراع افریقہ کے دور دراز علاقوں میں حاملہ خواتین کے علاج اور صحت کی بنیادی سہولیات کی فراہم میں انقلابی پیش رفت ثابت ہوگی۔