شمسی توانائی سے روزانہ ہزار لیٹر پانی پیدا کرنے کی صلاحیت

دبئی میں قائم ایک نئی کمپنی نے جدید ٹیکنالوجی متعارف کرائی ہے جو شمسی توانائی کے ذریعے ہوا سے نمی حاصل کر کے روزانہ تقریباً ایک ہزار لیٹر پانی پیدا کر سکتی ہے۔

ماہرین کے مطابق یہ نظام شمسی پینلز سے حاصل توانائی کے ذریعے ہوا میں موجود نمی کو جمع کر کے صاف پانی میں تبدیل کرتا ہے، جو پینے اور روزمرہ استعمال کے لیے قابلِ استعمال ہوتا ہے، خاص طور پر ان علاقوں میں جہاں پانی کی کمی ایک سنگین مسئلہ ہے۔

کمپنی حکام کا کہنا ہے کہ اس ٹیکنالوجی کا مقصد ماحول دوست طریقے سے پانی کی دستیابی کو بہتر بنانا اور آبادی اور موسمیاتی تبدیلیوں کے باعث مستقبل میں پیدا ہونے والے پانی کے بحران کا حل فراہم کرنا ہے۔

ماہرین کا خیال ہے کہ اگر اس نظام کو بڑے پیمانے پر متعارف کرایا جائے تو یہ صحرائی اور خشک علاقوں میں پانی کے متبادل ذرائع پیدا کرنے میں اہم کردار ادا کر سکتا ہے اور شہری و دیہی علاقوں کے لیے پائیدار حل بن سکتا ہے۔