دبئی: شیخ زاید روڈ کے آسمان پر ہولوگرام طیارے کا حیران کن مظاہرہ

دبئی: بزنس بے اور ڈاؤن ٹاؤن کے اطراف آسمان پر ایک منفرد ہولوگرام مظاہرہ نے شہریوں کی توجہ اپنی جانب مبذول کر لی۔ مظاہرے میں لیزر ٹیکنالوجی کے ذریعے ایک دیوقامت طیارے کا منظر پیش کیا گیا، جو بغیر کسی اسکرین کے آسمان میں تیرتا محسوس ہو رہا تھا۔

رپورٹس کے مطابق یہ تجرباتی مظاہرہ دبئی میڈیا سٹی اور ایک بڑے فضائی ادارے کی اشتہاری ٹیکنالوجی کے تجربے کے طور پر کیا گیا، جس کا مقصد مستقبل میں ماحول دوست اور جدید اشتہاری طریقے متعارف کروانا ہے۔

عینی شاہدین کے مطابق تقریباً تین سو فٹ اونچا یہ منظر لیزر اور جدید روشنی ٹیکنالوجی کے امتزاج سے تیار کیا گیا، جس نے شہر کے رات کے مناظر کو ایک منفرد تجربہ بنا دیا اور سوشل میڈیا پر بھی ویڈیوز تیزی سے گردش کرنے لگیں۔

ماہرین کا کہنا ہے کہ اگر یہ ٹیکنالوجی مستقل بنیادوں پر استعمال کی جائے تو یہ ڈیجیٹل اشتہارات اور عوامی تقریبات کے انداز کو بدل سکتی ہے، اور دبئی ایک بار پھر جدید شہری تجربات میں سبقت لیتا دکھائی دے رہا ہے۔