مشہور انفلوئنسر ڈاکٹر نبیہا کا نکاح، مولانا طارق جمیل نے پڑھایا، تقریب اور ویڈیو وائرل

لاہور: معروف کلینیکل سائیکولوجسٹ، سابق نیوز اینکر اور سوشل میڈیا انفلوئنسر ڈاکٹر نبیہا علی خان رشتۂ ازدواج میں منسلک ہوگئیں۔ ان کے نکاح کی تقریب میں مولانا طارق جمیل نے خود نکاح پڑھایا، جس کی ویڈیو سوشل میڈیا پر تیزی سے وائرل ہو رہی ہے۔

نکاح کی سادہ مگر پُروقار تقریب مولانا طارق جمیل کی رہائش گاہ پر منعقد ہوئی جس میں محدود مہمان شریک ہوئے، جن میں فرح اقرار اور دیگر معروف شخصیات بھی شامل تھیں۔

ڈاکٹر نبیہا نے آف وائٹ رنگ کا خوبصورت عروسی لباس زیب تن کیا، جبکہ ان کے شوہر حارث نے بھی اسی رنگ کی شیروانی پہن رکھی تھی ۔

ڈاکٹر نبیہا نے تقریب میں قیمتی زیورات پہنے جن کی مالیت ایک کروڑ روپے کے لگ بھگ بتائی جا رہی ہے، جبکہ ان کا عروسی لباس بھی معروف ڈیزائنر حنا سلمان کا تیار کردہ تھا جس کی قیمت تقریباً ایک کروڑ روپے تھی۔

ڈاکٹر نبیہا نے بتایا کہ انہیں پہلے معلوم نہیں تھا کہ مولانا طارق جمیل نکاح پڑھائیں گے، یہ فیصلہ خود مولانا کی جانب سے دو روز قبل کیا گیا، جس پر وہ بےحد خوش ہوئیں۔

سوشل میڈیا پر جوڑے کی تصاویر اور ویڈیوز وائرل ہونے کے بعد صارفین نے نئے شادی شدہ جوڑے کے لیے نیک تمناؤں اور دعاؤں کا اظہار کیا ہے۔