پیدائشی شہریت پر سپریم کورٹ کے فیصلے پر ٹرمپ کی تنقید، کانگریس سے قانون سازی کا مطالبہ

امریکی صدر ڈونلڈ ٹرمپ نے سپریم کورٹ کی جانب سے ملک میں پیدائشی شہریت (Birthright Citizenship) برقرار رکھنے کے فیصلے پر گہرے افسوس کا اظہار کرتے ہوئے اسے شدید مایوس کن قرار دیا ہے۔

اپنے ایک بیان میں صدر ٹرمپ نے موقف اختیار کیا کہ پیدائشی شہریت کے خاتمے کے لیے کسی آئینی ترمیم کی ضرورت نہیں ہے، بلکہ محض عام قانون سازی کے ذریعے بھی اس موجودہ نظام کو تبدیل کیا جا سکتا ہے۔

انہوں نے امریکی کانگریس پر زور دیا کہ وہ ملک کے مفاد میں آج ہی سے پیدائشی شہریت کے خاتمے کے لیے قانون سازی پر کام شروع کرے۔

ڈونلڈ ٹرمپ کا کہنا تھا کہ پیدائشی شہریت کا موجودہ نظام امریکا کے لیے انتہائی مہنگا اور غیر منصفانہ ہے، اس لیے اس میں تبدیلی لانا ناگزیر ہو چکا ہے۔ امریکی صدر نے مزید واضح کیا کہ اگر کانگریس اس مقصد کے لیے قانون سازی کا آغاز کرتی ہے، تو انہیں صدر کی حیثیت سے ان کی مکمل آئینی اور سیاسی حمایت حاصل ہوگی