سعودی اور عراقی وزیر خارجہ کا رابطہ، علاقائی صورتحال، تعلقات مضبوط بنانے پر تبادلہ خیال

سعودی عرب کے وزیرِ خارجہ اور عراقی وزیرِ خارجہ کے درمیان ایک اہم ٹیلی فونک رابطہ ہوا ہے، جس کے دوران دونوں رہنماؤں نے علاقائی صورتِ حال اور مختلف شعبوں میں باہمی تعاون و کوآرڈینیشن کو مزید مضبوط بنانے کے طریقوں پر تفصیلی تبادلہ خیال کیا۔ رابطے کے دوران سعودی عرب اور عراق کے برادرانہ تعلقات کے فروغ اور دوطرفہ روابط کو وسعت دینے کا جائزہ بھی لیا گیا۔

سعودی وزارتِ خارجہ کی جانب سے جاری بیان کے مطابق، ریاض نے عراق کے کردستان ریجن میں ہونے والے حملوں کو عراق کی خود مختاری اور علاقائی سالمیت کی کھلی خلاف ورزی قرار دیا۔ اس موقع پر سعودی عرب نے عراق کی سلامتی، استحکام اور ملکی خود مختاری کو لاحق ہر قسم کے خطرات سے نمٹنے کے لیے بغداد کی مکمل حمایت اور تعاون کے عزم کا اعادہ کیا۔