رنویر سنگھ کی ڈان تھری سے علیحدگی تنازع بن گئی، عامر خان بھی میدان میں آگئے

فرحان اختر کی فلم ’ڈان 3‘ اس وقت ایک بڑے قانونی اور مالی بحران کا شکار ہے۔ رنویر سنگھ، جنہیں شاہ رخ خان کی جگہ ’ڈان‘ کے طور پر کاسٹ کیا گیا تھا، اسکرپٹ پر عدم اطمینان اور بار بار کی تاخیر کی وجہ سے منصوبے سے الگ ہو گئے ہیں۔ تاہم، فرحان اختر کے پروڈکشن ہاؤس ایکسیل انٹرٹینمنٹ نے دعویٰ کیا ہے کہ رنویر کی منظوری کے بعد پری پروڈکشن پر کروڑوں روپے خرچ ہو چکے تھے، جس کے ازالے کے لیے اداکار سے 40 کروڑ روپے معاوضہ طلب کیا گیا ہے۔

اس سنگین صورتحال کو حل کرنے کے لیے بالی ووڈ کے ’مسٹر پرفیکشنسٹ‘ عامر خان نے ثالث کا کردار سنبھال لیا ہے۔ حال ہی میں ان کی رہائش گاہ پر ایک ’پاور میٹنگ‘ ہوئی جس میں انڈسٹری کے بڑے ناموں نے شرکت کی۔