دلجیت دوسانجھ کا لاہور سے محبت کا پیغام، تنقید کرنے والوں کے لیے بھی مثبت جواب

بھارتی پنجابی کے مقبول گلوکار اور اداکار دلجیت دوسانجھ نے انسٹاگرام پر لائیو سیشن کے دوران لاہور سے تعلق رکھنے والے ایک مداح کی جانب سے ملنے والے محبت کے پیغام کا انتہائی دلکش انداز میں جواب دیا ہے۔ لائیو سیشن میں لاہور کے صارف کے پیغام پر اظہارِ تشکر کرتے ہوئے دلجیت دوسانجھ نے کہا کہ ان کے دل میں ہر ایک کے لیے یکساں محبت ہے اور وہ تمام انسانوں کو ایک ہی نظر سے دیکھتے ہیں۔ گلوکار کا مزید کہنا تھا کہ انہیں اس بات سے کوئی فرق نہیں پڑتا کہ لوگ ان کے بارے میں کیا سوچتے ہیں، کیونکہ ان کے نزدیک مداحوں کا پسند یا ناپسند کرنا دونوں باتیں قابل قبول ہیں۔ انہوں نے اس عزم کا بھی اظہار کیا کہ وہ ناقدین کو بھی منفی جذبات کا نشانہ نہیں بناتے اور انہیں اپنی ذات یا موقف کو کسی کے سامنے ثابت کرنے کی کوئی ضرورت محسوس نہیں ہوتی۔ واضح رہے کہ دلجیت دوسانجھ اس سے قبل بھی جولائی میں لاہور آنے کی خواہش کا اظہار کر چکے ہیں، جبکہ ان دنوں وہ اپنے بین الاقوامی ‘اورا ورلڈ ٹور’ میں مصروف ہیں۔