پاسپورٹ سسٹم میں نئی ٹیکنالوجی متعارف کرانے کا فیصلہ

ڈی جی امیگریشن اینڈ پاسپورٹ کی نادرا ٹیکنیکل ٹیم کے ساتھ ہونے والی اہم میٹنگ میں پاسپورٹ کے موجودہ نظام کو جدید بنانے اور اصلاحات متعارف کروانے پر غور کیا گیا۔ اجلاس میں شہریوں کی سہولت کے لیے ایک انقلابی فیصلہ کیا گیا جس کے تحت اب عوام گھر بیٹھے آن لائن پاسپورٹ اپلائی کر سکیں گے۔ ڈی جی امیگریشن نے حکام کو ہدایت جاری کی کہ تمام موجودہ پالیسیوں کو نئے ڈیجیٹل نظام کے مطابق ڈھالا جائے تاکہ اوورسیز اور مقامی پاکستانیوں کو تیز ترین اور شفاف سروس فراہم کی جا سکے۔