ڈنمارک کا 400 سال سے جاری خط رسانی بند کرنے کا اعلان

ڈنمارک کی پوسٹل سروس پوسٹ نورڈ نے اعلان کیا ہے کہ 30 دسمبر کو ملک میں اپنا آخری خط پہنچانے کے ساتھ 400 سال پرانی خطوط کی ترسیل کی روایت ختم ہو جائے گی۔ کمپنی کے مطابق ڈنمارک میں تیزی سے بڑھتی ڈیجیٹلائزیشن اور خطوط کی طلب میں کمی کے باعث یہ فیصلہ کیا گیا ہے، جس سے 1,500 ملازمتیں ختم اور 1,500 سرخ ڈاک خانے ہٹا دیے جائیں گے۔

رپورٹس کے مطابق گزشتہ 25 برسوں میں خطوط بھیجنے کا رجحان 90 فیصد سے زیادہ کم ہو چکا ہے، جبکہ آن لائن خریداری میں اضافہ ہوا ہے۔ پوسٹ نورڈ کی جانب سے فروخت کے لیے پیش کیے گئے پوسٹ بکس بھی صرف تین گھنٹوں میں فروخت ہو گئے۔

اگرچہ خطوط کی ترسیل بند ہو رہی ہے، صارفین اب بھی ڈاؤ کی دکان یا اضافی فیس کے ذریعے خطوط بھیج سکتے ہیں، اور ڈاک کے اخراجات آن لائن یا ایپ کے ذریعے ادا کرنا ہوں گے۔ ڈنمارک کے قانونی نظام کے مطابق خطوط کی ترسیل کا متبادل لازمی ہونا چاہیے۔

پوسٹ نورڈ کے ڈپٹی چیف ایگزیکٹیو کم پیڈرسن نے کہا کہ 400 سال بعد یہ روایت ختم کرنا آسان فیصلہ نہیں تھا، لیکن خطوط کی کمی نے مارکیٹ کو غیر منافع بخش بنا دیا ہے۔