بیٹے کے ساتھ بھارتی گانے پر ڈانس، نادیہ خان کو شدید تنقید کا سامنا

پاکستان کی سینئر اداکارہ اور ٹی وی میزبان نادیہ خان کو حال ہی میں بھارتی گانے “سینوریٹا” پر اپنے بیٹے کے ساتھ ڈانس کرنے پر سوشل میڈیا صارفین کی جانب سے شدید تنقید کا سامنا ہے۔ نادیہ خان نے اپنی فیملی کے ساتھ ایک مہندی کی تقریب میں نیلے رنگ کا جوڑا پہنا جبکہ ان کے بیٹے نے کالے رنگ کا لباس منتخب کیا۔

اداکارہ نے اس تقریب کی ویڈیو انسٹاگرام پر شیئر کی، جس کے بعد صارفین نے انہیں تنقید کا نشانہ بنایا۔ واضح رہے کہ نادیہ خان نے حال ہی میں گلوکار طلحہ انجم کو بھارتی پرچم لہرانے پر تنقید کی تھی، جس پر شوبز اور عوام کی جانب سے بھی انہیں تنقید کا سامنا کرنا پڑا۔