دنانیر مبین نے گلوکاری کی دنیا میں قدم رکھ دیا، پہلا گانا ’ٹچ‘ ریلیز

پاکستانی معروف اداکارہ اور سوشل میڈیا سٹار دنانیر مبین نے اداکاری کے بعد اب گلوکاری کے میدان میں بھی انٹری دے دی ہے اور ان کا پہلا میوزک ٹریک ’ٹچ‘ ریلیز کر دیا گیا ہے۔ اس گانے میں دنانیر مبین کے ساتھ معروف گلوکار حیدر مستحسن نے بھی اپنی آواز کا جادو جگایا ہے، اور یہ ایک توانائی سے بھرپور پاپ ٹریک ہے۔ دنانیر مبین اس سے قبل ’صنفِ آہن‘ اور ’محبت گمشدہ میری‘ جیسے مقبول ڈراموں میں اپنی اداکاری کے جوہر دکھا چکی ہیں، اور اب موسیقی کی دنیا میں قدم رکھنا ان کے فنی سفر کا ایک نیا اور اہم مرحلہ ہے۔