وزن اور رنگ پر تنقید سے کوئی فرق نہیں پڑتا: روما ریاض

مس یونیورس پاکستان 2025 منتخب ہونے والی روما ریاض کا کہنا ہے کہ انہوں نے مقابلے کے لیے بھرپور محنت کی، تاہم حقیقت یہ ہے کہ کامیابی قسمت میں لکھی ہوتی ہے۔ ایک انٹرویو میں گفتگو کرتے ہوئے 25 سالہ روما ریاض نے کہا کہ مس یونیورس پاکستان کا مقابلہ انتہائی سخت اور طویل مراحل پر مشتمل ہوتا ہے۔

انہوں نے بتایا کہ مقابلے میں پہلے 51 لڑکیوں کو شارٹ لسٹ کیا گیا، پھر 20 اور آخرکار چھ امیدواروں کے درمیان مالدیپ میں حتمی مقابلہ ہوا۔ ان کے مطابق مس یونیورس پاکستان کا فارمیٹ عالمی معیار کے مطابق ہوتا ہے، جس میں امیدواروں کے رویے، اعتماد، سوال جواب اور مجموعی شخصیت کو ایک ہفتے تک جانچا جاتا ہے۔

روما ریاض کا کہنا تھا کہ سبھی امیدوار محنت کرتی ہیں، مگر کامیابی وہی حاصل کرتا ہے جس کے نصیب میں ہو۔