سڈنی تھنڈر کی شاداب خان کو قومی ٹیم میں شمولیت پر مبارکباد
Web Desk
29 December 2025
آسٹریلوی بگ بیش لیگ کی ٹیم سڈنی تھنڈر نے آل راؤنڈر شاداب خان کو سری لنکا کے خلاف ٹی 20 سیریز کے لیے پاکستان ٹیم میں منتخب ہونے پر مبارکباد دی ہے۔
شاداب خان اس وقت بگ بیش لیگ میں سڈنی تھنڈر کی نمائندگی کر رہے ہیں۔ ٹیم ترجمان کے مطابق شاداب 4 جنوری کو ہوبارٹ ہیوریکینز کے خلاف میچ کھیلنے کے بعد سری لنکا روانہ ہوں گے، جبکہ 16 جنوری کو سڈنی کرکٹ گراؤنڈ میں سڈنی اسماش کے خلاف میچ کے لیے دستیاب ہوں گے۔ سڈنی تھنڈر کے فائنل میں پہنچنے کی صورت میں بھی شاداب خان ٹیم کا حصہ ہوں گے۔
شاداب خان نے بگ بیش لیگ میں اب تک شاندار کارکردگی کا مظاہرہ کرتے ہوئے 33.33 کی اوسط سے 100 رنز بنائے اور 6 وکٹیں حاصل کر کے ٹیم کے ٹاپ باؤلر بنے ہوئے ہیں۔
قومی ٹیم میں واپسی پر شاداب خان کا کہنا تھا کہ پاکستان کی نمائندگی کرنا ان کے لیے اعزاز ہے، سڈنی تھنڈر کے ساتھ کھیلنے کا تجربہ شاندار رہا اور وہ سیزن کے اختتام پر واپس آ کر ٹیم کو فائنل کی دوڑ میں شامل کرنے کے لیے پُرامید ہیں۔
سڈنی تھنڈر کے جنرل منیجر ٹرینٹ کوپلینڈ نے کہا کہ ملک کی نمائندگی ہمیشہ فخر کی بات ہوتی ہے، شاداب خان کو دوبارہ پاکستان کے لیے کھیلنے کا موقع ملنے پر خوشی ہے اور ٹیم انہیں سیزن کے اہم مرحلے میں واپس خوش آمدید کہے گی۔ انہوں نے مزید بتایا کہ شاداب خان کے متبادل اوورسیز کھلاڑی کے لیے بات چیت آخری مراحل میں ہے۔
متعلقہ عنوانات
دورہ پاکستان کے اختتام پر سری لنکن کرکٹ ٹیم کے اعزاز میں عشائیہ
22 November 2026
وزارتِ خارجہ اور اسلام آباد چیمبر آف کامرس کے اشتراک سے گالف ٹورنامنٹ کا انعقاد
22 November 2026
سلطان اذلان شاہ ہاکی، پاکستان کی لگاتار دوسری فتح
22 November 2026
جوش ہیزل ووڈ نے پیٹ کمنز کو کپتانی سے ہٹانے پر ٹیم چھوڑنے کا عندیہ دے دیا
21 November 2026
سری لنکا کرکٹ ٹیم کے آل فارمیٹ دورہ پاکستان کے اختتام پر مہمان ٹیم کے اعزاز میں پُروقار عشائیہ
21 November 2026
پی سی بی نے نئے سینٹرل کنٹریکٹس کا اعلان کر دیا
21 November 2026
محمد عباس رواں سال ٹیسٹ کرکٹ میں سب سے زیادہ وکٹیں لینے والے بولر بن گئے
21 November 2026
آئی ایل ٹی 20 کا پانچواں سیزن کل سے شروع، بابراعظم اور شاداب خان مرکز نگاہ
20 November 2026