بھارت کے پاس 36 میں سے 32 رافیل طیارے رہ گئے: برطانوی جریدے کی پاکستان مؤقف کی تصدیق
Web Desk
19 November 2026
معروف برطانوی دفاعی و ہوابازی جریدے ’’فلائٹ انٹرنیشنل‘‘ (Flight International) نے بھی بھارتی فضائیہ کے چار رافیل لڑاکا طیارے تباہ ہونے سے متعلق پاکستان کے مؤقف کی باضابطہ تصدیق کرتے ہوئے انکشاف کیا ہے کہ بھارت کے پاس اب کل 36 میں سے صرف 32 رافیل طیارے باقی رہ گئے ہیں۔
برطانوی جریدے کی جانب سے جاری کردہ ’’ورلڈ ایئرفورسز ڈائریکٹری 2027‘‘ (World Air Forces Directory 2027) کی تازہ رپورٹ میں یہ اہم انکشاف کیا گیا ہے۔ رپورٹ کے مطابق تباہ ہونے والے بھارتی فضائیہ کے چار رافیل طیاروں کے سیریل نمبرز بی ایس 001 (BS 001)، بی ایس 021 (BS 021)، بی ایس 022 (BS 022) اور بی ایس 027 (BS 027) تھے۔
رپورٹ میں مزید کہا گیا ہے کہ بھارتی حکام ان چاروں طیاروں کے سیریل نمبرز کے ساتھ ان کی موجودگی سے متعلق کوئی واضح اور مصدقہ تصاویر پیش کرنے میں مکمل طور پر ناکام رہے ہیں۔ برطانوی جریدے نے اس امر کا بھی اعتراف کیا کہ پاکستان کے مؤثر ملٹی ڈومین آپریشنز نے بھارتی فضائیہ کی آپریشنل صلاحیتوں کو مفلوج کر کے رکھ دیا تھا۔
واضح رہے کہ گزشتہ برس بھارتی جارحیت کے بھرپور جواب میں پاک فضائیہ نے انتہائی پیشہ ورانہ مہارت کا مظاہرہ کرتے ہوئے چار جدید ترین رافیل طیاروں سمیت بھارت کے مجموعی طور پر آٹھ لڑاکا طیارے مار گرائے تھے۔
متعلقہ عنوانات
سربراہ امریکی سینٹرل کمانڈ کا اسرائیل کا دورہ، آرمی چیف سمیت اعلیٰ حکام سے ملاقاتیں
19 November 2026
ایرانی نیٹ ورکس کیخلاف کریک ڈاؤن: امریکا کی لبنان میں مقیم 3 افراد اور اداروں پر پابندیاں عائد
19 November 2026
سعودیہ نے حوثی باغیوں کے داغے گئے 2 میزائل اور 2 ڈرونز تباہ کر دیئے
19 November 2026
یمنی افواج کی حوثی ملیشیا کے ٹھکانوں پر شدید فضائی، زمینی کارروائیاں، 142 جنگجو ہلاک
19 November 2026
امارات میں ایکو واک 2026ء کا انعقاد، 500 سے زائد افراد نے ماحولیاتی تحفظ کا پیغام دیا
19 November 2026
سعودیہ کی حوثی باغیوں کیخلاف مہم آئندہ سال تک طویل کرنے کی تیاری
19 November 2026
بلغاریہ میں پانچ سال تک بڑے سائبر حملوں، ہیکنگ آپریشن کا انکشاف
19 November 2026
صدر پوتن اور شی جن پنگ کے درمیان مذاکرات مفید اور بامقصد رہے، روسی صدارتی معاون
19 November 2026