چینی سائنس دانوں نے کوئلے سے چلنے والی ماحول دوست بیٹری بنالی

شینزن یونیورسٹی کے محققین نے توانائی کے شعبے میں ایک بڑی پیش رفت کرتے ہوئے ایسا فیول سیل تیار کیا ہے جو کوئلے کو جلائے بغیر بجلی پیدا کرتا ہے۔ اس نظام میں کاربن ڈائی آکسائیڈ کو فضا میں چھوڑنے کے بجائے سسٹم کے اندر ہی قید کر لیا جاتا ہے اور بعد ازاں اسے کارآمد کیمیکلز (syngas) میں تبدیل کر دیا جاتا ہے۔ ماہرین کے مطابق یہ فیول سیل 40 فیصد تک افادیت کے ساتھ کام کر سکتا ہے، جو پیرس موسمیاتی معاہدے کے تحت کاربن نیوٹرلٹی کے اہداف حاصل کرنے میں معاون ثابت ہوگا۔