چین کی فوجی مشقوں میں ہتھیار سے لیس روبوٹ کتے کی شمولیت

چین اور کمبوڈیا کی مشترکہ “گولڈن ڈریگن” فوجی مشقوں کے دوران ہتھیار سے لیس چار ٹانگوں والے جدید روبوٹ کتے کی شمولیت نے عالمی سطح پر شدید توجہ حاصل کر لی ہے۔ اس روبوٹ کتے کی پشت پر ایک خودکار رائفل نصب کی گئی ہے، جو شہری علاقوں میں لڑائی کے دوران انسانی فوجیوں سے آگے بڑھ کر نگرانی، دشمن کی نشاندہی اور ہنگامی صورتحال میں فائرنگ کی صلاحیت رکھتا ہے۔ چینی سرکاری میڈیا کے مطابق ایسے جدید روبوٹس کا بنیادی مقصد خطرناک جنگی علاقوں، عمارتوں اور تنگ راستوں میں داخل ہو کر ابتدائی جاسوسی کرنا اور معلوماتی ڈیٹا فراہم کرنا ہے تاکہ انسانی فوجیوں کی جانوں کو درپیش خطرات کو کم سے کم کیا جا سکے۔