چین میں روبوٹس ریلوے مسافروں کی رہنمائی کرنے لگے

چین کے شہر تیانجن میں ریل ٹرانزٹ انتظامیہ نے ریلوے سٹیشن پر مسافروں کی آسان اور جدید ترین سفر کی سہولت کے لیے سمارٹ روبوٹس کا باقاعدہ آزمائشی استعمال شروع کر دیا ہے۔ حقیقی ماحول میں جاری اس ٹیسٹنگ کا مقصد روبوٹکس اور مصنوعی ذہانت (AI) کو روزمرہ سفری خدمات میں شامل کر کے نظام کی کارکردگی کو تیز اور مؤثر بنانا ہے۔ سٹیشن پر آمد و رفت کے دوران مسافروں کو ان جدید روبوٹس کے ساتھ بات چیت کرتے اور ان کی خودکار صلاحیات کا مشاہدہ کرتے دیکھا جا سکتا ہے۔

اس منصوبے کے تحت 10 سے زائد جدید روبوٹس کو مسافروں کی حقیقی آمدورفت کے دوران پانچ اہم شعبوں میں آزمایا جا رہا ہے، جن میں صفائی ستھرائی، معلومات کی فراہمی، سکیورٹی گشت و معائنہ، سکیورٹی چیکنگ میں معاونت اور خرید و فروخت میں رہنمائی شامل ہیں۔ انتظامیہ کا کہنا ہے کہ ان روبوٹس کو تیزی سے حقیقی ماحول سے ہم آہنگ کیا جا رہا ہے تاکہ مستقبل میں پبلک ٹرانسپورٹ کو صرف تیز ہی نہیں بلکہ زیادہ سمارٹ اور خودکار بنایا جا سکے