ہوا بازی کے شعبے میں بڑی پیشرفت، چین کے برقی مسافر طیارے کی پہلی پرواز کامیاب
Web Desk
16 November 2026
چین نے ہوا بازی کے شعبے میں ایک اہم سنگِ میل عبور کرتے ہوئے دنیا کا پہلا 10 ٹن وزنی اور 19 نشستوں کا حامل مکمل طور پر بیٹری سے چلنے والا تجارتی مسافر طیارہ ’سی ای 25 اے‘ (CE25A) کامیابی سے اڑا لیا ہے، جسے روایتی فضائی ایندھن کے متبادل اور فضائی آلودگی میں کمی کی جانب ایک بڑی پیش رفت قرار دیا جا رہا ہے۔ میڈیا رپورٹس کے مطابق چین کی سرکاری ایرو اسپیس کمپنی کومیک (COMAC)، بیٹری ساز ادارے سی اے ٹی ایل (CATL) اور شنگھائی جیاؤ تونگ یونیورسٹی کے اشتراک سے تیار کردہ اس برقی طیارے نے مشرقی صوبے شان ڈونگ کے شہر بن ژو میں دو پائلٹس اور ایک فلائٹ ٹیسٹ انجینئر کی موجودگی میں اپنی پہلی انسانی آزمائشی پرواز مکمل کی، جس کا مجموعی ٹیسٹ سیشن 57 منٹ اور 46 سیکنڈ جاری رہا جبکہ طیارے نے 16 منٹ سے زائد وقت فضا میں رہ کر 60.4 کلومیٹر کا فاصلہ طے کیا۔ قبل ازیں 19 خودکار پروازیں مکمل کرنے والے اس طیارے کی زیادہ سے زیادہ رفتار 300 کلومیٹر فی گھنٹہ، حدِ پرواز 400 کلومیٹر اور بلندی 2 ہزار 400 میٹر ہے، جبکہ چین کی سول ایوی ایشن انتظامیہ نے طیارے کی تجارتی تیاری کے لیے ٹائپ سرٹیفکیٹ کی درخواست بھی وصول کر لی ہے۔
متعلقہ عنوانات
جنوبی کوریا میں اے آئی کے ذریعے امتحان میں نقل کرنے والا ٹاپر پکڑا گیا
16 November 2026
فرانس میں بڑا سائبر حملہ، 2 کروڑ 20 لاکھ افراد کا ذاتی ڈیٹا متاثر ہونے کا خدشہ
15 November 2026
فیس بک صارفین کی نجی تصاویر اور ویڈیوز تک رسائی پر میٹا کو 887 ملین ڈالر جرمانہ
15 November 2026
آؤٹ لک اور کوپائلٹ سمیت مائیکروسافٹ کی سروسز 24 گھنٹے کے تعطل کے بعد مکمل بحال
14 November 2026
مائیکروسافٹ کی سروسز دنیا بھر میں متاثر، صارفین کو شدید مشکلات
13 November 2026
جینسن ہوانگ کا استعفیٰ: اینویڈیا کی چیف فنانس آفیسر کولیٹ کریس عبوری سی ای او مقرر
13 November 2026
ٹیکنالوجی کی دنیا میں بڑی تبدیلی: این ویڈیا (NVIDIA) کے بانی اور سی ای او جینسن ہوانگ مستعفی، کولیٹ کریس عبوری سربراہ مقرر
12 November 2026
چین نے امریکی پابندیوں کے باوجود جدید مصنوعی ذہانت کے ایچ 200 چپس خرید لئے
12 November 2026