ای سی او وزرائے خارجہ کونسل کے اجلاس کا آغاز، وژن 2035 کی منظوری متوقع
Web Desk
16 November 2026
اسلام آباد میں اقتصادی تعاون تنظیم (ای سی او) کی وزرائے خارجہ کونسل کا اجلاس شروع ہو گیا ہے جس میں خطے میں اقتصادی تعاون، تجارتی روابط کے فروغ اور کثیرالجہتی اشتراکِ عمل کے حوالے سے ای سی او کے اسٹریٹجک اہداف 2035ء اور مجوزہ ’اسلام آباد اعلامیے‘ کو حتمی منظوری کے لیے پیش کیا جائے گا۔ اجلاس کے دوران ای سی او کے سیکرٹری جنرل تنظیم کی سالانہ کارکردگی اور سرگرمیوں پر رپورٹ پیش کریں گے جبکہ رکن ممالک کے وزرائے خارجہ اور سربراہانِ وفود خطاب کرنے کے علاوہ علاقائی و بین الاقوامی اداروں کے ساتھ تعاون، شعبہ جاتی وزارتی اجلاسوں و خصوصی اداروں کی رپورٹس، ہائی لیول کوآرڈینیشن تجاویز، سیکرٹریٹ کے انتظامی و مالی امور اور وزرائے کونسل کے آئندہ اجلاس کی تاریخ و مقام کا فیصلہ کریں گے۔ دفترِ خارجہ کے مطابق قبل ازیں سیکرٹری خارجہ عاصم افتخار کی زیرِ صدارت ای سی او کے سینئر حکام کے اجلاس میں وزارتی اجلاس کے ایجنڈے اور اسلام آباد اعلامیے کو حتمی شکل دی گئی، جبکہ شیڈول کے تحت 10 رکن ممالک اور تین مبصرین پر مشتمل تنظیم کے وزرائے خارجہ وزیراعظم شہباز شریف سے مشترکہ ملاقات اور دوطرفہ مشاورت بھی کریں گے جس کے بعد اجلاس کے اختتام پر نائب وزیراعظم و وزیرِ خارجہ اسحاق ڈار کی پریس کانفرنس متوقع ہے۔
متعلقہ عنوانات
توانائی کی ترسیل کے لیے آبنائے ہرمز کا کوئی متبادل راستہ موجود نہیں: قطری وزیراعظم
16 November 2026
امیر تبلیغی جماعت حضرت مولانا نذرالرحمٰن انتقال کر گئے
16 November 2026
تاریخ میں پہلی بار صوبوں کی جانب سے وفاق کو 57 ارب 46 کروڑ کی گرانٹ
16 November 2026
پاکستان خطے میں ترقی کے لیے بات چیت سے تنازعات کا خاتمہ چاہتا ہے: اسحاق ڈار
16 November 2026
یمنی حکومتی فورسز کا باب المندب کے علاقے سے انخلا کا اعلان
16 November 2026
غیر محتاط الزام تراشی انسانی زندگیوں کیلئے خطرہ بن سکتی ہے: صدر، وزیر اعظم
16 November 2026
پاکستان سٹاک مارکیٹ میں کاروبار کا مثبت رحجان
16 November 2026
ڈسپلن کی خلاف ورزی اور ناقص کارکردگی، عماد بٹ اذلان شاہ ہاکی ٹورنامنٹ سے باہر
16 November 2026