چینی سائنسدانوں کا دعویٰ: لیتھیم بیٹری سے برقی گاڑیوں کی رینج دُگنی

چینی محققین نے لیتھیم آئن بیٹریوں میں طویل عرصے سے موجود تکنیکی رکاوٹ کو دور کرتے ہوئے ایک نیا جز دریافت کیا ہے جو برقی گاڑیوں کی کارکردگی میں انقلاب برپا کر دے گا۔ معروف سائنسی جریدے “نیچر” میں شائع ہونے والی تحقیق کے مطابق، نئی بیٹریوں میں ’فلورینیٹڈ ہائیڈرو کاربن‘ محلول استعمال کیا گیا ہے جو لیتھیم سالٹس کو انتہائی مؤثر انداز میں تحلیل کرتا ہے۔ اس نئی ٹیکنالوجی کی بدولت بیٹری کی توانائی کی کثافت (Energy Density) 700 واٹ آور فی کلو گرام سے تجاوز کر جائے گی، جس سے گاڑیوں کی رینج دُگنی ہو جائے گی۔