پاسداران انقلاب کے کمانڈ اینڈ کنٹرول مراکز تباہ کر دیے : سینٹ کام کا دعویٰ

امریکی سینٹرل کمانڈ (سینٹ کام) نے دعویٰ کیا ہے کہ امریکی بحریہ کے گائیڈڈ میزائل ڈسٹرائرز ایران کے خلاف مسلسل اور بھرپور کارروائیاں کر رہے ہیں۔ غیر ملکی میڈیا سے گفتگو کرتے ہوئے سینٹ کام حکام نے بتایا کہ خطے میں امریکی فائر پاور کا دن رات استعمال جاری ہے، جس کا مقصد متحرک لانچرز (Mobile Launchers) کو تلاش کر کے تباہ کرنا ہے۔

امریکی حکام کے مطابق، حالیہ حملوں میں ایرانی پاسدارانِ انقلاب کے کمانڈ اینڈ کنٹرول مراکز اور فضائی دفاعی نظام (Air Defense Systems) کو کامیابی سے نشانہ بنایا گیا ہے۔ سینٹ کام نے مزید واضح کیا کہ ایران کی میزائل اور ڈرون لانچ سائٹس سمیت فوجی ایئر فیلڈز بھی امریکی نشانے پر ہیں۔ امریکی صدر ڈونلڈ ٹرمپ نے بھی خبردار کیا ہے کہ ایران پر حملوں کی ایک “بڑی لہر” ابھی باقی ہے، اور یہ فوجی مہم 4 سے 5 ہفتوں تک جاری رہ سکتی ہے۔