مریم نواز کا نیپال میں سیلاب کے باعث جانی و مالی نقصان پر اظہار افسوس

وزیرِ اعلیٰ پنجاب مریم نواز نے نیپال میں طوفانی بارشوں اور شدید سیلاب کے باعث قیمتی انسانی جانوں کے ضیاع اور بڑے پیمانے پر ہونے والی تباہی پر گہرے دکھ اور افسوس کا اظہار کیا ہے۔ انہوں نے متاثرہ خاندانوں سے دلی ہمدردی کا اظہار کرتے ہوئے کہا کہ اس مشکل اور دردناک گھڑی میں پنجاب کے عوام اپنے نیپالی بہن بھائیوں کے ساتھ برابر کے شریک ہیں۔ وزیراعلیٰ پنجاب نے انسانی ہمدردی کے تحت نیپال حکومت کو ہر ممکن امداد اور تعاون کی پیشکش کی ہے، اور متاثرین کی جلد بحالی و زخمیوں کی کامل صحتیابی کے لیے نیک خواہشات کا اظہار کیا ہے۔