پری پیڈ موبائل بیلنس کی کم از کم میعاد مقرر

پاکستان ٹیلی کمیونی کیشن اتھارٹی (پی ٹی اے) نے صارفین کے مفادات کے تحفظ کے لیے تمام موبائل آپریٹرز کے پری پیڈ بیلنس کی کم از کم میعاد 180 دن (6 ماہ) مقرر کر دی ہے، جس کا اطلاق یکم اکتوبر 2026 سے ہو گا۔ پی ٹی اے کے اعلامیے کے مطابق، کنزیومر پروٹیکشن ریگولیشن کے تحت اگر بیلنس کی میعاد ختم بھی ہو جائے تو سم فعال رہنے کے دوران دوبارہ ری چارج کرنے پر پرانا ختم شدہ بیلنس خودکار طور پر بحال اور قابلِ استعمال ہو جائے گا۔ پی ٹی اے حکام کا کہنا ہے کہ اس فیصلے کا مقصد صارفین کے حقوق کا تحفظ، منصفانہ کاروباری ماحول کو فروغ دینا اور ملک کے ٹیلی کام سیکٹر کو مزید فعال بنانا ہے۔