ایران کی ترکیہ میں امریکی صدر ٹرمپ کو قتل کرنے کے منصوبے کی تردید

ایران کی سپریم نیشنل سکیورٹی کونسل کے سیکرٹری محسن رضائی نے امریکی صدر ڈونلڈ ٹرمپ کو ترکیہ کے دورے کے دوران اور ان کے بیٹے کو قتل کرنے کی سازش سے متعلق افواہوں کی سخت تردید کی ہے۔ المنار نیٹ ورک کو دیے گئے انٹرویو میں انہوں نے دعویٰ کیا کہ یہ جھوٹی کہانی اسرائیلی وزیراعظم نیتن یاہو کی گھڑی ہوئی ہے تاکہ امریکی صدر کو خوفزدہ کر کے ان کے فیصلوں پر اثر انداز ہوا جا سکے۔ واضح رہے کہ جولائی میں نیٹو اجلاس سے واپسی پر سکیورٹی خدشات اور ایرانی میزائل حملے کے اندیشے کے پیشِ نظر صدر ٹرمپ نے خفیہ طور پر کیٹرنگ ٹرک کے ذریعے متبادل طیارے میں سفر کیا تھا، تاہم محسن رضائی کا کہنا ہے کہ اگر ایران کوئی فیصلہ کر لے تو اسے کوئی نہیں روک سکتا، لیکن یہ خبر محض ایک فریب اور من گھڑت کہانی ہے۔